Ann an 1997 chuireadh buidheann air bhonn gus Ionad Dualchais agus Cànan na Gàidhlig a steidhicheadh ann an Ìle. Air an t-siathamh latha deug den Lùnastal 2002 dh'fhosgail Ionad Chaluim Chille Ìle faisg air Bogha Mòr.


Chaidh seann ospadal aig Gart na Trà ùrachadh agus a meudachadh gu mòr airson an Ionaid ùir. Chaidh an t-seann phìos den togalach a thogail ann an 1904. A-nis tha goireasan ùra ann agus tha e co-dhiù trì meud na bha e. Am broinn an togalaich tha seòmraichean teagaisg ann, leabharlann, cròileagan, seòmraichean cruinneachaidh, goireasan craobh-sgaoilidh, coimpiutarlann agus àite-taisbeanaidh.
Chaidh Ionad Chaluim Chille Ìle a chur air choir gus cànan agus cultar na Gàidhlig a bhrosnachadh ann an Ìle. Tha e ag amas air seo a dhèanamh ann an grunn dhòighean: a’ cur foghlam àrd ìre air dòigh tro mheadhan na Gàidhlig; a’ tabhainn chlasaichean oidhche ann an Gàidhlig; iomairtean brosnachadh na Gàidhlig; pròiseactan rannsachaidh agus cùrsaichean goirid ‘sa chànan agus anns na h-ealain. A-bharrachd air na seirbhisean seo, ‘s e goireas luachmhor a th’ ann don choimhearsnachd air fad – a’ leagail àiteannan-cruinneachaidh air màl do bhuidhnean coimhearsnachd.

Tha ICC Ìle cuideachd gu mòr an-sàs ann a bhith a’ brosnachadh cheanglaichean eadar Gaidhealtachd na h-Alba agus na h-Èireann